Aqtóbede jol-kólik apaty kezinde aýrýhanaǵa túsken taǵy bir jolaýshy kóz jumdy
AQTÓBE. KAZINFORM — Eki kólik soqtyǵysqanda bes adam oqıǵa ornynda, al bireýi aýrýhanada kóz jumdy. Dárigerler ota jasaǵanymen, aman alyp qalý múmkin bolmady.
Keshe Aqtóbe-Atyraý tasjolyndaǵy jol-kólik oqıǵasy kezinde júrgizýshi men tórt jolaýshy kóz jumdy. Bir jolaýshy Baıǵanın aýdandyq aýrýhanasyna jetkizildi.
— Aqtóbe qalasynan travmatolog, neırohırýrg dárigerleri baryp, aýdanda ota jasady. Alaıda jol apaty kezindegi jaraqaty aýyr bolyp, 32 jastaǵy naýqas kóz jumdy, — dep habarlady Aqtóbe oblystyq densaýlyq saqtaý basqarmasynyń baspasóz qyzmeti.
Aıta keteıik, respýblıkalyq tasjolda «VAZ» jáne «DAF» avtokólikteri soqtyǵysqan. Polıtsııa ázirge qaı kóliktiń jol erejesin buzǵanyn habarlamady.
