Aqtóbede jol-kólik oqıǵasynan eki adam ajal qushty
AQTÓBE. QazAqparat - «Samara-Shymkent» tasjolynda jol-kólik oqıǵasy boldy. Oqıǵa ornynda kólik júrgizýshisi men jolaýshy qaza boldy, dep habarlaıdy QazAqparat tilshisi.
«Samara Shymkent» respýblıkalyq tasjolynda, Hromtaý aýdanynyń mańynda «Opel Astra» jáne «Folksvagen Passat» kóligi soqtyǵysyp, jol oqıǵasy kezinde eki adam qaza boldy.
«Eki kólik soqtyǵysyp, 60 jastaǵy «Folksvagen Passat» kóliginiń júrgizýshisi men «Opel Astra» kóliginde otyrǵan jolaýshy qaza boldy. Al bir júrgizýshi men 7 jolaýshy qazir Hromtaý aýdandyq aýrýhanasynda jatyr. Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý» baby boıynsha is qozǵaldy, tergeý júrip jatyr», - dep habarlady oblystyq ІІD baspasóz qyzmeti.
Aıta keteıik, osy oqıǵaǵa baılanysty birneshe sot-medıtsınalyq jáne avtotehnıkalyq saraptama taǵaıyndaldy.
