Aqtóbede jol-kólik apatynyń kýágerleri izdestirilip jatyr
AQTÓBE. QazAqparat – Aqtóbede eki kólik soqtyǵysyp, jolaýshy kóz jumdy. Polıtsııa istiń mán-jaıyn anyqtaý úshin kýágerler izdestirilip jatyr, dep habarlaıdy QazAqparat tilshisi.
Aqtóbe qalasynda 11 tamyz kúni saǵat 23:40 shamasynda «Daewoo Nexia» jáne «LADA 21703» markaly avtokóligi soqtyǵysty. Saldarynan «LADA 21703» markaly avtokóliginiń jolaýshysy alǵan dene jaraqattarynan oqıǵa ornynda kóz jumdy. Al eki adam túrli dene jaraqatymen aýrýhanaǵa jetkizilgen.
«Jol kólik kýágerlerin 93-64-04, 936-410, 8-705-970-80-48, 8-775-832-07-98 telefondaryna habarlasýdy nemese oblystyq polıtsııa departamenti №404 kabınetine jolyǵýdy suraımyz», - dedi oblystyq PD baspasóz qyzmetiniń jetekshisi Erbolat Sarqulov.
