Aqtóbede jol-kólik apatynan júrgizýshi áıel kóz jumdy
AQTÓBE. QazAqparat – «Samara-Shymkent» tasjolynda jol-kólik apaty bolyp, 47 jastaǵy áıel kóz jumdy, dep habarlaıdy QazAqparat tilshisi.
Oqıǵa 28 qazan kúni saǵat 18:30-da tirkeldi.
«Samara-Shymkent» tasjolynyń Áıteke bı aýdany Belqopa aýyly mańynda «Toyota Prado» markaly avtokóliginiń 47 jastaǵy júrgizýshisi aldyndaǵy kólikti basyp ozbaq bolyp, qarsy baǵytqa shyqqan.
Sol kezde «Gaz-53» markaly avtokóligimen soqtyǵysqan.
«Jol apaty saldarynan «Toyota Prado» markaly avtokóliginiń júrgizýshisi alǵan jaraqatynan oqıǵa ornynda kóz jumdy. Marqumnyń 48 jastaǵy kúıeýi, «Gaz-53» avtokóliginiń júrgizýshisi men jolaýshysy Áıteke bı aýdanynyń ortalyq aýdandyq aýrýhanasyna jetkizildi», - dedi oblystyq PD baspasóz qyzmetiniń jetekshisi Erbolat Sarqulov.
