Aqtóbede jol-kólik apatynan eki adam kóz jumdy
AQTÓBE. QazAqparat - Aqtóbe qalasynda eki jeńil kólik soqtyǵysyp, júrgizýshi men jolaýshy kóz jumdy, dep habarlaıdy QazAqparat tilshisi.
Jol-kólik oqıǵasy Aqtóbe qalasy Keńes Nokın dańǵylynda boldy.
«Lada» avtokóliginiń 39 jastaǵy júrgizýshisi qarsy baǵytqa shyǵyp, «Toyota Land Cruiser Prado» kóligimen soqtyǵysty.
Jol-kólik oqıǵasy kezinde «Lada» avtokóliginiń júrgizýshisi men jolaýshy mert boldy.
«Ázirge jolaýshynyń kim ekeni anyqtalmaı jatyr. Al jol talǵamaıtyn kólik júrgizýshisi jaralanyp, aýrýhanaǵa jetkizildi. Qazir osy oqıǵadan soń sot aldy tergeý bastaldy. Polıtsııa departamenti jol erejesin qatań saqtaýǵa shaqyrady»,- dedi oblystyq polıtsııa departamenti baspasóz qyzmetiniń jetekshisi Erbolat Sarqulov.
