Aqtóbede jol-kólik apatynan 25 jastaǵy jigit kóz jumdy
AQTÓBE. QazAqparat – Aqtóbede jeńil jáne júk kóligi soqtyǵysty. 25 jastaǵy jigit kóz jumdy, dep habarlaıdy QazAqparat tilshisi.
Búgin saǵat 11:30-da Aqtóbe qalasyndaǵy K.Nokın dańǵyly boıynda «Volvo» markaly avtokóliginiń 37 jastaǵy júrgizýshisi qarsy baǵytqa shyǵyp ketti. Saldarynan «Toıota Kamrı» kóligimen soqtyǵysty.
«Jol-kólik oqıǵasy saldarynan «Toıota Kamrı» kóliginiń 25 jastaǵy júrgizýshisi jedel medıtsınalyq járdem kóliginde kóz jumdy. Sol kóliktiń 27 jastaǵy jolaýshysy jansaqtaý bóliminde jatyr. Tergeý júrip jatyr», - dep habarlady oblystyq PD baspasóz qyzmetiniń jetekshisi Erbolat Sarqulov.
