Aqtóbede jol-kólik apatynan 10 jastaǵy bala kóz jumdy
AQTÓBE. QazAqparat – Aqtóbede jol-kólik apaty saldarynan zardap shekken 10 jasar bala aýrýhanada kóz jumdy, dep habarlaıdy QazAqparat tilshisi.
Oqıǵa Samara-Shymkent tasjolynyń Áıteke bı aýdany Belqopa aýyly mańynda boldy. «Toyota Samry» kóliginiń júrgizýshisi rýlge ıe bola almaı, aýdarylyp qaldy.
«Jol apatynan eki jolaýshy men júrgizýshi zardap shekti. Qyzylorda oblysynyń 37 jastaǵy turǵyny jáne 10 jastaǵy bala aýrýhanaǵa jetkizildi. Ókinishke qaraı bala Áıteke bı aýdandyq aýrýhanasynda kóz jumdy. Qazirgi kezde Qylmystyq kodekstiń 128-baby boıynsha is qozǵaldy», - dedi oblystyq PD baspasóz qyzmetiniń jetekshisi Erbolat Sarqulov.
Eske salsaq, buǵan deıin qaladaǵy baý-baqsha ujymdarynyń birinde jazataıym oqıǵa tirkelgen bolatyn. 48 jastaǵy aqtóbelik óz úıiniń aýlasynda turǵan «Opel Astra» avtokóligin aıdap, 2020 jyly týǵan balany qaǵyp ketti. Jol-kólik oqıǵasy saldarynan bala bas-mı jaraqatyn aldy. Ol shuǵyl túrde oblystyq balalar klınıkalyq aýrýhanasyna jatqyzyldy.
