Aqtóbede jol boıynda týǵan egizder shetinep ketti
AQTÓBE. QazAqparat - Aqtóbe oblysy, Yrǵyz aýdanynda júkti kelinshek ýaqytynan buryn bosanyp, egiz qyzymen oblys ortalyǵyna jetkizildi. Arda bir apta ótkende eki bala da shetinep ketti, dep habarlaıdy QazAqparat tilshisi.
Aqtóbe qalasyndaǵy perenataldyq ortalyq merziminen buryn bosanǵan jas ananyń ómirin saqtap qaldy. Samara-Shymkent tasjolynyń Qarabutaq beketinen habar túsip, Yrǵyz aýdandyq aýrýhanasynan oblys ortalyǵyna baǵyt alǵan jas ana týraly aqparat berildi. Jolda tolǵaǵy qysyp, ol egiz qyzyn ómirge ákeldi. Keıin sanavıatsııamen oblys ortalyǵyna jetkizilip, sábıler men ana dárigerlerdiń baqylaýyna alyndy. Biraq arada bir apta ótkende bala shetinep ketti.
«Egiz balanyń salmaǵy 1 keliden asty. Ekeýi de dárigerlerdiń baqylaýynda boldy. Anasy 29 aptasynda tolǵaǵy qysyp, jol boıynda bosanyp qalyp otyr. Ókinishke qaraı, balalary shetinep ketti. Jas ananyń birinshi júktiligi. Qazir anasynyń jaǵdaıy qanaǵattanarlyq. Ol dárigerlerdiń baqylaýynda bolyp, em qabyldaıdy»,- dedi Aqtóbe oblystyq perenataldyq ortalyqtyń mamandary.
