Aqtóbede jol belgilerin salýǵa jaýapty sheneýnik 8 jylǵa sottalýy múmkin

AQTÓBE. KAZINFORM - Aqtóbe qalasynyń jol qaýipsizdigin qamtamasyz etý jáne tsıfrlyq tehnologııalar ortalyǵynyń dırektory 8 jylǵa bas bostandyǵynan aıyrylýy múmkin. Oǵan «Senip tapsyrylǵan bóten múlikti ıemdenip alý nemese talan-tarajǵa salý» baby boıynsha aıyp taǵyldy. 

Ақтөбеде жол белгілерін салуға жауапты шенеунік 8 жылға сотталуы мүмкін
Фото: Максат Шагырбаев/ Kazinform

№ 2 Aqtóbe qalalyq sotynda Aqtóbe qalasynyń jol qaýipsizdigin qamtamasyz etý jáne tsıfrlyq tehnologııalar ortalyǵynyń dırektory Abzal Tılmaǵambetovke qatysty istiń jaryssózi ótti. Oǵan Qylmystyq kodekstiń «Senip tapsyrylǵan bóten múlikti ıemdenip alý nemese talan-tarajǵa salý» baby boıynsha aıyp taǵylyp, memlekettik aıyptaýshy 272 mln teńgeniń jumysy atqarylmaǵanyn habarlady.

Іs materıalyna súıensek, 2022 jyldyń sońynda Abzal Tılmaǵambetov jol belgilerine qarjy suraıdy. 2023 jyldyń qańtar aıynda Aqtóbe qalalyq máslıhatynyń sheshimimen ortalyqqa 221 mln teńgeden astam qarjy aýdarylady. 

Keıin Memlekettik satyp alý konkýrsy ótkiziledi. Konkýrs talaby boıynsha kóshe ataýlary men sany, atqarý merzimi jazylýy tıis. Alaıda bul talaptar saqtalmaı, konkýrs jeńimpazy anyqtalady. Keıin ol aıyptalýshy A.Kýsýmovpen sóz baılasady. Aıyptalýshy A.Kýsýmov 2020 jyly kompıýter men kofe apparattaryn jóndeý qyzmetin kórsetetin jeke kásipker retinde tirkelgen. 

— 2023 jyldyń sáýiri men jeltoqsan aıy aralyǵynda Abzal Tılmaǵambetov jalpy somasy 272 mln teńge shyǵyn keltirdi. Qylmystyq kodekstiń «Senip tapsyrylǵan bóten múlikti ıemdenip alý nemese talan-tarajǵa salý» baby boıynsha qylmys jasady. Jaýap berý kezinde Abzal Tılmagambetov óz kinásin moıyndamady. Abzal Tılmagambetovti aıypty dep tanyp, 8 jyl bas bostandyǵynan aıyrý jazasyn taǵaıyndaýdy suraımyz. A. Kýsýmovty Qylmystyq kodekstiń «Senip tapsyrylǵan bóten múlikti ıemdenip alý nemese talan-tarajǵa salý» baby boıynsha 8 jylǵa bas bostandyǵynan aıyrý jazasy suralady, - dedi memlekettik aıyptaýshy.

Kelesi aptada sottalýshylar sotta sońǵy sózin aıtady. 

Eske salsaq, Aqtóbe qalalyq turǵyn úı-kommýnaldyq sharýashylyq bóliminde tórt jyl buryn basshynyń mindetin atqarǵan Janbolat Qusmuhambetov 3 jylǵa bas bostandyǵynan aıyryldy. Ol velojoldyń jobalyq-smetalyq qujaty bolmasa da, alǵashqy kelisimshartqa qol qoıǵan. 

Сейчас читают