Aqtóbede jol apatynda kólik órtenip, tájikstandyq kóz jumdy
AQTÓBE. QazAqparat - Aqtóbe - Orynbor baǵytynda úsh kólik soqtyǵysyp, bireýi janyp ketti, dep habarlaıdy QazAqparat tilshisi.
Búgin saǵat 13:00-de iri jol apaty boldy. Aqtóbe - Orynbor baǵytyndaǵy trassada Reseıden Tájikstanǵa bara jatqan «Lada-Largýs» kóliginiń júrgizýshisi kóktaıǵaqqa qaramastan joldyń qarsy betine shyqpaq bolǵan. Sonyń saldarynan taǵy bir «Lada-Largýs» kóligimen jáne qarsy bette kele jatqan «BMV» markaly mashınasymen soqtyǵysty.
«Lada-Largýs» jol jıegine shyǵyp ketken. Jolaýshylar kólik ishinen aman-esen shyqqan soń qysqa tuıyqtalý bolyp, mashına janyp ketti. Jol-kólik oqıǵasy kezinde Tájikstan azamaty aýrýhanaǵa jetpeı kóz jumdy. Sonymen qatar bir Reseı, úsh Tájikstan azamaty Mártók aýdandyq aýrýhanasyna jetkizildi. Aqtóbe oblystyq polıtsııa departamenti jol erejesin saqtap, abaı bolýǵa shaqyrady», - dep habarlady oblystyq PD baspasóz qyzmeti.
Aıta keteıik, osy oqıǵa boıynsha Qylmystyq kodekstiń 345-baby boıynsha is qozǵaldy. Kólik júrgizýshisi ýaqytsha tergeý ızolıatoryna qamaldy.
