Aqtóbede jol apatynan jedel járdem kóligi aýdarylyp qaldy
AQTÓBE. QazAqparat – Aqtóbede jol apaty bolyp, jedel járdem kóligindegi adam aýrýhanaǵa tústi, dep habarlaıdy QazAqparat tilshisi.
Búgin Aqtóbe qalasynyń aǵaıyndy Jubanovtar kóshesinde Toyota Camry kóligi men jedel járdem mashınasy soqtyǵysty. Saldarynan jedel járdem kóligindegi adam aýrýhanaǵa tústi.
«Toyota Camry kóliginiń 74 jastaǵy júrgizýshisi qıylysta negizgi jolmen kele jatqan jedel járdem kóligine jol bermegen. Sonyń saldarynan jedel járdem kóligi aýdarylyp qaldy. Meıirbıke jaralanǵan. Ol jedel járdem aýrýhanasyna jetkizildi», - dep habarlady oblystyq PD baspasóz qyzmetiniń jetekshisi Erbolat Sarqulov.
Aqtóbe oblystyq densaýlyq saqtaý basqarmasynyń basshysy Rústem Isaev taratqan málimetke súıensek, kólik aýrýhanaǵa tıesili. Onda naýqas bolmaǵan. Sonymen birge kólik ishinde meıirbıke emes, jetkizýshi bolǵan. Ol din aman.
Osyǵan deıin Aqtóbe oblysynda 100-den astam jol-kólik apaty tirkelgenin jazǵan bolatynbyz.
