Aqtóbede jol apatynan úsh adam kóz jumdy
AQTÓBE. QazAqparat – Aqtóbede birneshe jol apaty boldy. Kólik júrgizýshi men eki jolaýshy kóz jumdy, dep habarlaıdy QazAqparat tilshisi.
Oqys oqıǵa 11 tamyz kúni saǵat 18:40-da «Aqtóbe-Bogoslovka» trassasy boıyndaǵy Sazdy aýyly mańynda bolǵan. «Opel Vectra» avtokóliginiń 20 jastaǵy júrgizýshisi joldyń qarsy betine shyǵyp «Toyota Camry» markaly avtokólikpen soqtyǵysqan. Jol-kólik oqıǵasy saldarynan «Opel Vectra» avtokóliginiń eki jolaýshysy aýyr jaraqattan jedel járdem aýrýhanasynda kóz jumdy. «Toyota Camry» avtokóliginiń 4 jolaýshysy aýrýhanaǵa jetkizildi. Onyń úsheýi tekserýden ótip, bireýi aýrýhanaǵa jatqyzyldy.
«Opel Vectra» avtokóliginiń júrgizýshisi jedel járdem aýrýhanasynyń neırohırýrgııalyq bólimine jatqyzyldy. Tekserý kezinde ótken jyly mas kúıinde kólik júrgizgeni úshin kýáliginen aıyrylǵany belgili boldy. Jol-kólik oqıǵasy deregi boıynsha Qylmystyq kodekstiń «Kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy» baby boıynsha sotqa deıingi tergep-tekserý bastaldy. Birqatar qajetti saraptamalar taǵaıyndaldy», - dep habarlady oblystyq PD baspasóz qyzmetiniń jetekshisi Erbolat Sarqulov.
Taǵy bir jol apaty «Samara-Shymkent» tasjolynda boldy. «Audi 100 C4» avtokóliginiń 33 jastaǵy júrgizýshisi qarsy qarsy baǵytqa shyǵyp, «Iveco MІ 80E» markaly júk kóligimen soqtyǵysty. Jeńil kólik júrgizýshisi sol jerde kóz jumdy. Osy oqıǵa boıynsha da sot aldy tergeý jumysy bastaldy.
