Aqtóbede jol apatynan reseılik azamat qaza tapty
Samara-Shymkent tasjolynyń 999-shaqyrymynda jol-kólik apaty boldy.
Toyota Camry avtokóliginiń 38 jastaǵy júrgizýshisi, Reseı Federatsııasynyń azamaty Áıteke bı aýdany Araltoǵaı aýyly mańynda jol jıegine shyǵyp ketip, kóligi aýdarylyp qalǵan.
«Jol-kólik oqıǵasy saldarynan 34 jastaǵy jolaýshy sol jerde kóz jumyp, 1983 jyly týǵan ekinshi jolaýshy Áıteke bı aýdanynyń ortalyq hırýrgııalyq bólimshesine jatqyzyldy. Qazirgi kezde Qylmystyq kodekstiń 345-baby 3-bóligi boıynsha sotqa deıingi tergeý bastaldy. Polıtsııa departamenti júrgizýshilerge jol-kólik oqıǵalaryna jol bermeý maqsatynda qozǵalys erejeleri talaptaryn saqtaýǵa jáne júrgizýshilerge sharshaǵan nemese aýyrǵan jaǵdaıda kólikke otyrmaýǵa keńes beredi», - dep habarlady oblystyq PD baspasóz qyzmetiniń jetekshisi Erbolat Sarqulov.
Eske salsaq, Aqtóbede alaıaqtyq deregi jıiledi. Zeınetker áleýmettik jeli arqyly ózin AQSh azamaty retinde tanystyrǵan belgisiz bireýge 36 mln teńge aqshasyn aýdaryp jiberdi.
Osy derek boıynsha aldyn ala tergeý bastaldy.
