Aqtóbede jol apatynan qyrǵyzstandyq kóz jumdy
AQTÓBE. QazAqparat – Aqtóbede jol apatynan 21 jastaǵy Qyrǵyzstan azamatshasy kóz jumdy, dep habarlaıdy QazAqparat tilshisi.
Aqtóbe oblysynyń polıtsııa departamenti júrgizýshilerge kóliktiń qysqy dóńgelegin salý kerektigin eskertti. Óńirde aýa raıy kúrt nasharlap, kóktaıǵaq bolyp tur. 18 qarashadan beri respýblıkalyq tasjoldarda 10 jol-kólik oqıǵasy tirkelip, 7 adam zardap shekti.
«Samara-Shymkent» tasjolynyń Bógetsaı aýyly mańynda jol-kólik apatynan 21 jastaǵy Qyrǵyzstan azamatshasy oqıǵa ornynda kóz jumdy. «Largýs» kóliginiń júrgizýshisi Qyrǵyzstannan Reseıge baǵyt alǵan. Rólge ıe bola almaı, kólik aýdarylyp qaldy», - dep habarlady oblystyq PD baspasóz qyzmetiniń jetekshisi Erbolat Sarqulov.
