Aqtóbede jol apatynan Qyrǵyzstan azamaty kóz jumdy
AQTÓBE. QazAqparat - Samara-Shymkent tasjolynda jol-kólik apaty bolyp, bir jolaýshy mert boldy. Bir adam aýrýhanaǵa jetkizildi, dep habarlaıdy QazAqparat tilshisi.
Búgin saǵat 6:00-de «Samara-Shymkent» tasjolynyń Yrǵyz aýdany mańynda «Toıota Estıma» markaly kóligi aýdarylyp qaldy. Kóliktegi barlyǵy 8 adam boldy.
«Bishkekten Reseıge baǵyt alǵan kólik ishinde 7 qyrǵyzstandyq, bir reseılik azamat bolǵan. Jol apaty kezinde 40 jastaǵy bir jolaýshy oqıǵa ornynda kóz jumdy. Bireýi aýrýhanaǵa jetkizilip, em qabyldap jatyr. Sot aldy tergeý jumysy bastaldy. Jol apatynyń mán-jaıy anyqtalyp jatyr», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, oqıǵa ornyna tótenshe jaǵdaılar qyzmeti, jedel járdem men polıtsııa jumys istedi.
