Aqtóbede jol apatynan eki adam oqıǵa ornynda kóz jumdy
Oqıǵa Keńqııaq aýyly mańynda boldy. Oblystyq polıtsııa departamenti baspasóz qyzmetiniń habarlaýynsha, «Nıva» avtokóliginiń júrgizýshisi joldyń qarama-qarsy baǵytyna shyǵyp, KamAZ júk kóligimen soqtyǵysqan. Júrgizýshi men janynda otyrǵan jolaýshy oqıǵa ornynda kóz jumdy.
«Jol-kólik oqıǵasynan soń qylmystyq is qozǵaldy. Qazirgi kezde tergeý júrip jatyr», - dedi oblystyq polıtsııa departamenti baspasóz qyzmetiniń jetekshisi Erbolat Sarqulov.
Jeńil kólik ishinde bolǵan eki adam da - aýyl turǵyny. Júrgizýshiniń artynda 6 balasy qaldy.
Aıta keteıik, qazir Aqtóbede «Qaýipsiz jol» jedel aldyn alý is-sharasy ótkizilip jatyr. Tórt kúnde 300-den astam zań buzýshylyq tirkeldi. Onyń ishinde, 21 júrgizýshi ishimdik iship, rólge otyrǵan, 37-si joldyń qarsy baǵytyna shyǵyp ketken. Sonymen birge, jaıaý júrginshilerge jol bermegenderi de bar. Jol qozǵalysy erejesin buzǵany úshin 260 jaıaý júrginshi ákimshilik jaýapqa tartyldy.
«Qaýipsiz jol» aktsııasy aıasynda «Jolda qabyldaý» is-sharasy ótip jatyr. Ákimdikterge úı janýarlaryn jaryq shaǵylystyrǵysh elementteri bar zatpen qamtý, jol boıyna mal jaıýǵa tyıym salý týraly nusqama berildi.
