Aqtóbede jol apatynan eki adam mert boldy
AQTÓBE. QazAqparat – Aqtóbe-Bolgarka-Shubarqudyq baǵytyndaǵy jolda kólik aýdarylyp, eki adam qaza tapty, dep habarlaıdy QazAqparat tilshisi.
Oqıǵa 1 qyrkúıek kúni saǵat 18:25-te Aqtóbe-Bolgarka-Shubarqudyq avtojolynda boldy. Aqtóbe qalasynyń 32 jastaǵy turǵyny qaladan Shubarqudyq aýylyna qaraı baǵyt alǵan. «VAZ-2110» kóliginiń júrgizýshisi rýldi basqara almaı, qozǵalys baǵyty boıynsha oń jaǵyna aýdarylyp qaldy.
«Jol-kólik oqıǵasy saldarynan kólik júrgizýshisi men jolaýshy alǵan dene jaraqatynan kóz jumdy. Sot-medıtsınalyq jáne avtotehnıkalyq saraptamalar taǵaıyndaldy. Qylmystyq kodekstiń «Abaısyzda eki nemese odan da kóp adamnyń ólimine ákep soqqan JQE buzý» baby boıynsha sotqa deıingi tergeý bastaldy», - dedi oblystyq PD baspasóz qyzmetiniń jetekshisi Erbolat Sarqulov.
