Aqtóbede jol apatynan bir adam kóz jumyp, eki jasar bala aýrýhanaǵa tústi
Oqıǵa búgin saǵat 14:30-da boldy.
«LADA Granta» avtokóliginiń 61 jastaǵy júrgizýshisi qaladaǵy 312 atqyshtar dıvızııasy dańǵyly boıyndaǵy «Lokomotıv depo» baý-baqsha ujymynan shyǵyp, basty jolda kele jatqan kólikke jol bermedi. Saldarynan 20 jastaǵy júrgizýshiniń basqarýyndaǵy «Lada Priora» avtokóligimen soqtyǵysqan.
«Jol-kólik oqıǵasy saldarynan «Lada Priora» avtokóliginde otyrǵan 32 jastaǵy áıel dene jaraqatynan qaıtys boldy. Sondaı-aq eki jasar bala Aqtóbe qalasynyń oblystyq balalar klınıkalyq aýrýhanasyna jatqyzyldy. Aqtóbe oblysynyń Polıtsııa departamenti oblys turǵyndarynan joldarda muqııat bolýdy jáne jyldamdyq rejımin saqtaýdy, qozǵalys kezinde avtomobılder arasyndaǵy araqashyqtyqty baqylaýdy suraıdy»,- dedi oblystyq PD baspasóz qyzmetiniń jetekshisi Erbolat Sarqulov.
