Aqtóbede jol apatyna túsken júrgizýshige kómektespek bolǵan er adamdy kólik qaǵyp, mert qyldy

ASTANA. QazAqparat - Aqtóbede jol apatynan keıin júrgizýshige kómektespek bolǵan er adam qaza tapty, dep habarlaıdy QazAqparat Polisia.kz saıtyna silteme jasap.

Saıttaǵy málimetterge qaraǵanda, 18 tamyz kúni Shevrolet Lanos avtokóliginiń júrgizýshisi Aqtóbe - Rodnıkovka avtojolymen júrip kele jatyp, Aqshat aýyly mańynda joldan ótip bara jatqan jylqyǵa soqtyǵysqan.

Jol-kólik oqıǵasynan keıin júrgizýshige kómek kórsetý úshin ekinshi kóliktiń 46 jastaǵy jolaýshysy júgirip kelgen. Osy kezde basqa Nissan Note Hybrid avtokóliginiń júrgizýshisi jolda jatqan jylqyǵa soǵylyp, qozǵalys baǵytyn ózgertip, kómekke kelgen er adamdy qaǵyp ketken.

Osy fakti boıynsha QR QK-niń 345-baby 3-bóligi boıynsha sotqa deıingi tergeý bastaldy.