Aqtóbede jol apatyna túsken balalarǵa elordalyq dárigerler shaqyryldy
«Balalardyń jaǵdaıy aýyr, biraq turaqty. Alty balaǵa ota jasaldy. Úsh bala bas jaraqatyn alǵan, bir balanyń qol-aıaǵy synǵan. Taǵy bir balanyń jaǵy synǵan. Eki balanyń ish qýysy tekserildi. Qan aǵyp jatyr ma, joq pa dep. Astanadan dáriger shaqyrýdyń qajeti joq. Degenmen, Ana men bala ortalyǵynan kelip, qaraıdy. Neırohırýrg, travmatolog kelip, tekseredi qosymsha. Bir balaǵa birneshe ret ota jasalǵan jaǵdaı da boldy. Ata-analardyń barlyǵy kirdi, balalaryn kórdi. Kún saıyn aqparat berip otyrmyz. Olar úıge barmaı, osynda otyr. Alma-kezek keledi. Kesheden beri osynda júrmiz»,- dedi oblystyq balalar aýrýhanasynyń bas dárigeri Erbol Japaqov.
Aıta keteıik, qazirgi kezde balalardyń ata-analary aýrýhanada otyr. Olar kúni-túni osy jerde júr. Ata-analary jýrnalısterge qandaı da bir aqparat berýge qarsy.
Osyǵan deıin Aqtóbede oqýshylar mingen mınıven aýdarylyp, bir bala kóz jumǵany habarlandy.
Sondaı-aq Aqtóbede oqýshylardyń kólik apatyna ushyraýyna baılanysty tergeý júrip jatqany jazyldy.
Aqtóbe oblystyq densaýlyq saqtaý basqarmasynan balalarǵa operatsııa jasalǵany habarlandy.
Keıinirek jol-kólik oqıǵasyna túsken balalardyń jattyqtyrýshysy es-tússiz jatqany anyqtaldy.
Al kólikti basqarǵan sport mektebi dırektorynyń orynbasary ekeni belgili boldy.
