Aqtóbede jol apaty kezinde jeńil kólik qaq aıyryldy
AQTÓBE. QazAqparat – Aqtóbede eki kólik soqtyǵysyp, bireýi ekige bólinip qaldy. Júrgizýshi men jolaýshy aýrýhanada, dep habarlaıdy QazAqparat tilshisi.
Samara-Shymkent tasjolynyń 705 shaqyrymynda eki kólik soqtyǵysty. «Vaz 21144» markaly avtokóliginiń júrgizýshisi jol jáne meteorologııalyq jaǵdaılardy eskermeı, qarsy jolaqtaǵy «Opel Vektra» avtokóligimen soqtyǵysqan.
«Jol apaty saldarynan VAZ avtokóligi qaq aıyrylǵan. Kólik ishinde tek júrgizýshi boldy. Ol din aman, esh jaraqat almady. Al «Opel Vektra» avtokóliginiń júrgizýshisi men jolaýshysy túrli jaraqatpen Aqtóbe qalasynyń jedel medıtsınalyq járdem aýrýhanasyna jatqyzyldy.
Al Aqtóbe oblysynyń Polıtsııa departamenti qala men aýdandardan tys jerlerge shyǵý kezinde jol qozǵalysy erejeleri men meteorologııalyq jaǵdaılardy eskerý qajettigi týraly aıtady»,- oblystyq PD baspasóz qyzmetiniń jetekshisi Erbolat Sarqulov.
Aıta keteıik, Samara-Shymkent tasjolynda júk kólikteri soqtyǵysyp, ýaqytsha jol jabylyp qalǵan bolatyn.
