Aqtóbede jol apaty kezinde velosıped júrgizýshisi kóz jumdy
AQTÓBE. QazAqparat - Aqtóbede jeńil kólik júrgizýshisi velosıped aıdaǵan zeınetkerdi qaǵyp ketti, dep habarlaıdy QazAqparat tilshisi.
Aqtóbede «Infiniti FX35» avtokóliginiń júrgizýshisi Nekrasov kóshesimen kele jatyp, 68 jastaǵy velosıpedshini qaǵyp ketti.
Saldarynan velosıpedshi jedel medıtsınalyq járdem aýrýhanasyna jetkizilip, alǵan jaraqatynan kóz jumdy.
Al 51 jastaǵy júrgizýshige qatysty Qylmystyq kodekstiń «Abaısyzda adam ólimine ákep soqqan jol qozǵalysy erejelerin buzý» baby boıynsha tergeý amaldary júrip jatyr.
«Velosıpedshiler ózge kólik quraldarynyń júrgizýshileri, sondaı-aq jaıaý júrginshi sekildi jol qozǵalysyna qatysýshy bolyp tabylady. Velosıped aıdaǵan kezde jol qozǵalysynyń erejesi talaptaryn basshylyqqa alýy tıis. Qozǵalys bastalǵan jáne manevr jasaǵan kezde tıisti sıgnaldardy kórsetý, júrý bóligin jaıaý júrginshiler ótpesimen kesip ótýi kerek. Kóbine bul talapty eresekter de, balalar da elemeıdi», - dedi Aqtóbe oblysy PD bastyǵy Atyǵaı Arystanov.
