Aqtóbede jol apaty kezinde astyq tasyp júrgen júrgizýshi kóz jumdy
AQTÓBE. QazAqparat - Júrgizýshi joldaǵy oı-shuńqyrǵa toqtamaı, rólge ıe bola almaı qalǵan, dep habarlaıdy QazAqparat tilshisi.
«Aqtóbe-Orsk» avtojolynyń Qosestek aýyly mańynda jol-kólik oqıǵasy tirkeldi. Astyq tasyp júrgen «Maz» júk kóliniń 45 jastaǵy júrgizýshisi aýdannan Aqtóbe qalasyna qaraı bet alǵan.
«Qozǵalys úshin kedergi men qaýip týyndaǵan kezde kólikti tolyq toqtatpaǵan. Jyldamdyqty tómendetpeı, oı-shuńqyrdan ótpek boldy. Sol kezde rólge ıe bola almaı, aýdaryldy» , - dedi oblystyq PD baspasóz qyzmetiniń jetekshisi Erbolat Sarqulov.
Saldarynan avtokólik júrgizýshisi alǵan jaraqatynan oqıǵa ornynda kóz jumǵan.
