Aqtóbede jol apatynan júrgizýshi qaza tapty
AQTÓBE. KAZINFORM — Jol-kólik oqıǵasy Batys Qytaı — Batys Eýropa halyqaralyq dáliziniń Aqtóbe qalasy mańynda boldy. Bir adam mert bolyp, úsheýi aýrýhanaǵa tústi.
Aqtóbe oblystyq PD baspasóz qyzmetiniń habarlaýynsha, oqıǵa keshe saǵat 23:00 shamasynda boldy.
— VAZ-2115 jáne Lada Granta avtokólikteriniń qatysýymen jol-kólik oqıǵasy boldy. Oqıǵa saldarynan VAZ-2115 avtokóliginiń júrgizýshisi oqıǵa ornynda qaza boldy. Al Lada Granta avtokóliginiń júrgizýshisi men eki jolaýshy túrli dene jaraqattarymen medıtsınalyq mekemege jetkizildi. Atalǵan fakti boıynsha tergeý amaldary júrgizilip jatyr. Túngi ýaqytta jyldamdyqty asyrmaý, qarsy baǵytqa shyqpaý, sharshaǵan nemese uıqysy qanbaǵan kúıde rýlge otyrmaý qajettigin eske salamyz, — dedi Aqtóbe qalasy PB PPB komandıriniń orynbasary Anýar Ibraev.
Buǵan deıin habarlaǵanymyzdaı, Aqtóbede eki kólik soqtyǵysyp, oqıǵa ornynba bes adam kóz jumdy. Bir adam Baıǵanın aýdandyq aýrýhanasyna jetkizilgenimen, ony aman alyp qalý múmkin bolmady.
