Aqtóbede jol apaty kezinde kólik órtenip, eki adam kóz jumdy
AQTÓBE. KAZINFORM — Jol apaty Aqtóbe — Astrahan tasjolynda boldy. DAF markaly júk kóligi eki jeńil kólikpen soqtyǵysty.
Aqtóbe — Astrahan respýblıkalyq mańyzy bar avtojolynyń Baıǵanın aýdany Qaraýylkeldi aýyly mańynda iri jol-kólik apaty tirkeldi.
DAF markaly júk kóligi Toyota Camry markaly eki jeńil avtokólikpen soqtyǵysty. Saldarynan jeńil kóliktiń biri sol jerde órtendi.
— Jol-kólik oqıǵasy saldarynan eki adam oqıǵa ornynda kóz jumdy. Sondaı-aq túrli dene jaraqatyn alǵan segiz adam Baıǵanın aýdandyq ortalyq aýrýhanasyna jetkizildi. Atalǵan derek boıynsha sotqa deıingi tergep-tekserý bastaldy. Qazirgi ýaqytta polıtsııa qyzmetkerleri jol-kólik oqıǵasynyń barlyq mán-jaıy men sebebin anyqtap jatyr, — dedi Aqtóbe oblystyq PD baspasóz qyzmeti.
Aıta keteıik, Almatyda kólik bes jaıaý júrginshini qaǵyp ketti. Jol apaty búgin tańerteń Almatynyń Medeý aýdanyndaǵy Zenkov kóshesinde boldy.
