Aqtóbede joǵalyp ketken júkti áıel bazardan tabyldy

AQTÓBE. QazAqparat - Aqtóbede 5 naýryz kúni úıinen shyǵyp, iz-túzsiz ketken Dınara Zarıpova búgin Ortalyq bazardan tabyldy, dep habarlaıdy QazAqparat tilshisi.

«Polıtsııa qyzmetkerleri jedel izdestirý sharalaryn júrgizdi. Nátıjesinde 10 kún buryn joǵalǵan Dırana Zarıpova tabyldy. Ony izdeý jumystary kezinde polıtsııa qyzmetkerleri baǵyt-baǵdar habarlamasyn berip, týys-týǵandaryn, tanystaryn aralap shyqty. Kelinshek búgin Ortalyq bazardan tabyldy, deni saý. Qazirgi kezde habarsyz ketý sebebi anyqtalyp jatyr», - dedi oblystyq PD baspasóz qyzmeti.

Aıta keteıik, Dınara Zarıpovanyń sińlisi Gúlmıra Zarıpova kómek kórsetken adamdarǵa alǵysyn aıtyp, rızashylyǵyn jetkizdi.

Buǵan deıin habarlaǵanymyzdaı, 32 jastaǵy áıel Dınara Zarıpova habarsyz ketti. Týǵan-týystary polıtsııaǵa habarlasyp, kómek surady.