Aqtóbede joǵalyp ketken jigitti orman alqaptarynan izdep jatyr
AQTÓBE. QazAqparat - Bir apta buryn bazarda qarbyz satyp turǵan jerinen kólikke minip, belgisiz baǵytqa ketip qalǵan Erhan Tileýmbetovti orman alqaptarynan izdep jatyr.
Polıtsııa qaladaǵy baqylaý kameralaryn da tekserýde, dep habarlaıdy QazAqparat tilshisi.
«Qazirgi ýaqytta polıtsııa qyzmetkerleri izdeý jumystaryn jan-jaqty júrgizip jatyr. Aqtóbe oblystyq ІІD jeke quramy Erhan Tileýmbetovtiń týǵan-týystarymen birge 41 razezd mańyndaǵy orman alqaptaryn tekserýdi jalǵastyryp jatyr. Sonymen qatar, Orsk qalasynan Aqtóbege deıingi, Túrkistan qalasynan Aqtóbe qalasyna deıingi tasjol boıyndaǵy beınekameralar baqylaýǵa alyndy. Joǵalyp ketken jigitpen baılanysta bolǵan adamdardy anyqtaý jumystary júrip jatyr»,- dep habarlady Aqtóbe oblystyq ІІD baspasóz qyzmeti. 
Buǵan deıin habarlaǵanymyzdaı , 31 jastaǵy Erhan Tileýmbetov 3 tamyz kúni joǵalyp ketti. Onyń anasy Raıhan Esenamanov oblys ákimdiginen, prokýratýradan kómek surap, izdeý jumystaryn jandandyrýdy ótingen bolatyn.
