Aqtóbede joǵalyp ketken mektep dırektory óli kúıinde tabyldy
AQTÓBE. QazAqparat - Aqtóbede joǵalyp ketken dırektor men onyń dosynyń máıiti sharýashylyqtyń sý qoımasynan tabyldy, dep habarlaıdy QazAqparat tilshisi.
«Eki adamnyń da múrdesi tabyldy. Aýylda baılanys joq. Sondyqtan naqty aqparat bere almaımyn. Tótenshe jaǵdaılar qyzmeti sý plotınasynda júr», - dedi TJD sýdan qutqarý qyzmetiniń jetekshisi Oksana Kıchıgına.
Eske salsaq, 6 qazan kúni bir top adam balyq aýlaýǵa shyǵyp, sý ortasyna qaıyqpen barǵan eki adam habarsyz ketken. Búgin izdeý jumystaryn súńgýirler júrgizdi.
