Aqtóbede joǵalyp ketken qyz jaldamaly páterden tabyldy
AQTÓBE. QazAqparat - Aqtóbede joǵalyp ketken qyz bala aman-esen tabyldy, dep habarlaıdy QazAqparat tilshisi.
"2 mamyrdan 3 mamyrǵa qaraǵan túni saǵat 01:30-da izdeýde júrgen Arýjan Qanatova tabyldy. Ol ata-anasymen urysyp, Oıyl aýdanynan Aqtóbe qalasyna ketip qalǵan. Sodan eshkimge habarlaspaǵan. Іzdeý jumystaryna polıtsııamen birge eriktiler de qatysty. Ol Aqtóbe qalasy Týrgenev kóshesindegi jaldamaly páterlerdiń birinen tabyldy", - dedi Aqtóbe oblystyq polıtsııa departamentiniń baspasóz qyzmeti.
Aıta keteıik, 1 mamyr kúni jasóspirim qyz joǵalyp, izdeý jarııalanǵan bolatyn.
1
