Aqtóbede joǵalyp ketken dırektordy súńgýirler izdep jatyr
AQTÓBE. QazAqparat - Aqtóbede joǵalyp ketken mektep dırektory Baqtygereı Tájmaǵambetov pen onyń dosy Nurjan Mahanovty aýyl turǵyndary izdep jatyr. Qazir súńgýirler jumysqa kiristi, dep habarlaıdy QazAqparat tilshisi.
Aqtóbe oblysy, Alǵa aýdany, Qaraqudyq aýylynyń turǵyndary 6-qazan kúni balyq aýlaýǵa shyǵyp, úıine oralmady. Buǵan deıin habarlaǵanymyzdaı, eriktiler sý jaǵasyn tintip shyǵyp, kúrtelerdi taýyp aldy.
«Aýyl turǵyndary túgel platına jaǵasyn qarap shyqty. Aqtóbe qalasynan izdeý jumystaryn júrgizýge tótenshe jaǵdaılar qyzmeti keldi. Sý astyn súńgýirler qarap jatyr. Ázirge eshqandaı nátıje joq. Negizi olar balyq aýlaýǵa shyqqan. Janynda dosy bolǵan. Olar balyq aýlaǵan jer - sharýashylyqtyń platınasy»,- dedi Qaraqudyq aýylynyń ákimi Abat Іztileýov.
Aqtóbe oblystyq ІІD-niń baspasóz qyzmeti oqıǵa ornynda polıtsııa qyzmetkerleri júrgenin habarlady. Sonymen qatar, TJD-niń qutqarý qyzmeti de izdeýdi jalǵastyrýda. Eriktiler qaıyq, súńgýir kıimin aqtóbelikterden surastyrdy.
