Aqtóbede joǵalyp ketken 6 adamdy izdeýge ýchaskelik ınspektorlar jumyldyryldy
AQTÓBE. QazAqparat - Aqtóbede jylqy izdep ketken 6 adamdy izdeýge ýchaskelik ınspektorlar túgel jumyldyryldy. Bul týraly oblystyq ІІD baspasóz qyzmetine silteme jasap QazAqparat tilshisi habarlaıdy.
Aqtóbe oblysy, Shalqar aýdanynan mal izdeýge shyqqan 6 adamnan áli habar joq. Buǵan deıin habarlaǵanymyzdaı, Qaraqovtar joǵalǵan jylqyny izdeýge shyǵyp, janyna 4 adamdy ertip alǵan. 1 qyrkúıekte shyǵyp, sońǵy ret 3 qyrkúıekte baılanysqa shyqqan adamdardy qazir polıtsııa izdep jatyr.
«Aqtóbe oblystyq ІІD-niń Krımınaldy polıtsııa basqarmasy Aqtóbe qalasynyń turǵyny Meıirhan Qaraqov pen Meıirjan Qaraqovty izdestirip jatyr. Olar 31 tamyzda joǵalǵan maldaryn izdemek bop Shalqar qalasyna jolǵa shyqqan. Búgingi kúnge deıin úılerine oralmaǵan. Qazirgi tańda joǵalǵandarǵa qatysy keshendi izdestirý sharalary qolǵa alyndy. Іzdeý isi qozǵaldy. Selolyq okrýgtardyń ýchaskelik ınspektorlary túgeldeı jumyldyrylýda. Joǵalǵandar týraly qandaı-da bir aqparat biletinderge polıtsııaǵa júginýlerin suraıdy. Aǵaıyndy Qaraqovtardy kórgen nemese qandaıda bir málimetterdi bilgen azamattardyń polıtsııaǵa kelesi telefon nómirlerine 8-(7132) 99-69-25, 99-68-02 ( Aqtóbe q. Zarechnyı PB kezekshi bólimine), 102 jáne 98-45-44 (Aqtóbe q. ІІB Jedel basqarý ortalyǵyna) jáne 98-00-77, 98-77-00 (ІІD KPB izdestirý bólimine) habarlasýlaryn suraımyz»,- dep habarlady oblystyq ІІD baspasóz qyzmeti.
