Aqtóbede joǵalyp ketken 4 jasar balanyń zorlyq belgileri bar máıiti tabyldy

AQTÓBE. QazAqparat - Aqtóbe qalasynda 4 jasar Danıl Ahýnovtyń máıiti tabyldy, dep habarlaıdy QazAqparat Polıtsııaǵa silteme jasap.

«Іzdeý sharalarynyń nátıjesinde 28 jeltoqsanda joǵalyp ketken 4 jasar Danıl Ahýnovtyń zorlyqpen ólim belgileri bar máıiti tabyldy. Kúdikti ustalyp, qamaýǵa alyndy. Tergeý júrgizilip jatyr. Qylmystyq isti tergep-tekserý sheńberinde ózge aqparat jarııa etilmeıdi», - dedi Aqtóbe oblysy PD bastyǵynyń orynbasary Ǵalym Baıjanov.

Eske salsaq, Aqtóbe qalasynda 4 jasar Danıl Ahýnov tabylmaı jatqany týraly buǵan deıin habarlaǵan bolatynbyz. Ol 28 jeltoqsan kúni tańerteń aýlada oınap júrgen jerinen joq bolyp ketti.

Vıdeodan alynǵan kadr/ t.me/POLICE_of_KZ