Aqtóbede joǵalyp ketip, tabylǵan 6 jasar qyzdy ata-anasy uryp-soqqany anyqtaldy
AQTÓBE. QazAqparat – Aqtóbe polıtsııasy 6 jasar qyzdyń ata-anasy ony uryp-soqqanyn anyqtady, dep habarlaıdy QazAqparat tilshisi.
Aqtóbede 6 jastaǵy qyz tańerteń úıinen shyǵyp ketip, keshke tabylǵan bolatyn. Polıtsııa ınspektorlary ony otbasylyq úlgidegi saıabaqtan tapty.
Búgin osy oqıǵaǵa qatysty tyń derekti jarııalandy.
«Qyzdyń denesi kógergen soń polıtsııa qyzmetkerleri jedel medıtsınalyq kómek shaqyrdy. Qyzdyń ata-anasy sol kúni polıtsııa bólimine jetkizilip, «qolaısyz otbasy» sanaty boıynsha túsindirme jumysy júrgizildi, esepke qoıyldy. Qyzdyń anasyna qatysty Qylmystyq kodekstiń «Kámeletke tolmaǵan balany tárbıeleý jónindegi mindetterdi oryndamaý» baby boıynsha sotqa deıingi tergeý bastaldy. Ol qyzyn únemi uryp-soqqan», - dedi oblystyq Polıtsııa departamenti baspasóz qyzmetiniń jetekshisi Erbolat Sarqulov.
Kámeletke tolmaǵandarǵa qatysty jasalǵan barlyq zańbuzýshylyqqa qarsy is-áreketter týraly 102 nómirine jáne №1 QPB qyzmetkerleri Medet Hamıdýlla ( 8701 735 34 73), №2 QPB Jomart Imashevqa (8705 604 38 30), №3 QPB Erlan Elamanovqa (8777 619 96 60), №4 QPB Erkin Malaevqa ( 8705 744 01 44) habarlasýǵa bolady.
