Aqtóbede joǵalyp ketken oqýshy qyzdar ózge aýdandaǵy aǵasynyń úıinen tabyldy
Aqtóbede Qobda aýdany, Besqudyq aýylynan shyǵyp ketip, habarsyz qalǵan 8 jáne 9 synyp oqýshylary aǵasynyń úıinen tabyldy. Olardyń Hromtaý aýdanyna qalaı jetkeni tekserilip jatyr, dep habarlaıdy Kazinform.
- Polıtsııa qyzmetkerleri izdeý jumysyn júrgizip, apaly-sińlili oqýshylardy Hromtaý qalasynan tapty. Qyzdar polıtsııa bólimine jetkizildi. Polıtsııa bólimine oqýshylardyń ájesi shaqyryldy. Olardyń úıden ketip qalý sebebi anyqtalady. Oblystyq polıtsııa departamenti eriktiler men kómektesken adamdarǵa alǵys aıtady,- dedi oblystyq Polıtsııa departamenti baspasóz qyzmetiniń jetekshisi Erbolat Sarqulov.
Eske salsaq, 17-qarasha kúni saǵat 17:00 shamasynda eki oqýshy Aqtóbe oblysy Qobda aýdany Besqudyq aýylynan shyǵyp ketip, habarsyz qalǵan. Olar Hromtaýdaǵy ájemizge baramyz dep ketip qalǵan.
Oblystyq Polıtsııa departamenti baspasóz qyzmetiniń jetekshisi Erbolat Sarqulovtyń aıtýynsha, Qobda aýdandyq polıtsııa bóliminen 15, Aqtóbe oblystyq polıtsııa departamentinen 12 qyzmetker men eriktiler jumyldy.
