Aqtóbede joǵalyp ketken mektep oqýshysyn ózennen izdep jatyr
AQTÓBE. KAZINFORM — 10 jastaǵy Mansur Samatov úıinen keshe shyǵyp ketken. Sodan beri ony eshkim kórmedi.
Aqtóbe oblysy Mártók aýdany Saryjar aýylyndaǵy izdeý jumystaryna polıtsııamen qatar kınologtar, súńgýirler jumyldy.
— 29 naýryz kúni keshkilik Martók aýdandyq polıtsııa bóliminiń kezekshi bólimine 2016 jyly týǵan balanyń joǵalǵany týraly habarlama tústi. Aldyn ala málimet boıynsha, bala sýǵa qulap ketýi múmkin. Іzdeý jumystaryna polıtsııa qyzmetkerleri, qutqarýshylar, onyń ishinde súńgýirler, jylý kamerasymen jabdyqtalǵan ushqyshsyz ushý apparattary, kınolog, arnaıy tehnıka jáne tikushaq jumyldyryldy. Sondaı-aq jergilikti turǵyndar men áskerı qyzmetshiler tartylǵan. Elek ózeninde katerlermen patrýldeý júrgizilip jatyr. Іzdeý jumystary jalǵasady, — dep habarlady Aqtóbe oblystyq PD baspasóz qyzmeti.
Aıta keteıik, Túrkistan oblysy Keles aýdanynda 2018 jyly týǵan balany izdeý boıynsha izdestirý-qutqarý jumystary júrip jatyr. Anasynyń aıtýynsha, ol 23 naýryz kúni saǵat 17:00–de Keles ózeninde sýǵa qulap, batyp ketken.
