Aqtóbede joǵalǵan jigittiń máıiti tabyldy
AQTÓBE. QazAqparat - Aqtóbe qalasynyń bazarynda belgisiz kólikke minip ketken Erhan Tileýmbetovtiń denesi tabyldy, dep habarlaıdy QazAqparat tilshisi.
«Erhannyń qaza bolǵanyn búgin habarlady. Polıtsııa qyzmetkerleri sot-medıtsınalyq saraptama taǵaıyndady»,- dedi Erhan Tleýmbetovtiń áıeli Marjan Oshaqova.
Málim etilgendeı, máıit Aqtóbe qalasynyń Sazdy aýyldyq okrýgi mańynan tabylǵan. Erhan Tileýmbetovti týystary kıim-keshegi arqyly tanyǵan.
Buǵan deıin habarlaǵanymyzdaı, 31 jastaǵy Erhan Tleýmbetov 3 tamyz kúni bazar ishinde belgisiz kólikke minip ketip, sodan izim-ǵaıym joǵalǵan. Onyń kólikke mingen sáti bazar ishindegi beınekameraǵa túsip qalǵan. Sol ýaqyttan beri quqyqqorǵaýshylar izdestirý jumystaryn júrgizdi.
