Aqtóbede joǵalǵan úsh qyz jaldamaly páterden tabyldy
Aqtóbe qalasyndaǵy «Aıala» ómirlik qıyn jaǵdaıdaǵy balalardy qoldaý ortalyǵynan qashyp ketken úsh qyz bir táýlikten soń jaldamaly páterden tabyldy, dep habarlaıdy Kazinform.
Aqtóbe oblystyq PD baspasóz qyzmetiniń habarlaýynsha, jedel-izdestirý is-sharalary barysynda polıtsııa qyzmetkerleri qashyp ketken qyzdardy tapty.
- Tekserý barysynda olardyń jaldamaly páterde ekendigi anyqtaldy. Qazirgi ýaqytta kámeletke tolmaǵan tárbıelenýshiler Aqtóbe qalasy polıtsııa bólimine jetkizildi. Úsheýi úsh túrli mektepte oqıdy,- dep habarlaıdy Aqtóbe oblystyq PD baspasóz qyzmeti.
Qyzdardyń úsheýi de ortalyqtan syrt kıimsiz shyǵyp ketken. Olardyń kıim alǵanyn fotodan kórýge bolady.
Eske salsaq, 8 jeltoqsan kúni saǵat 23:00 shamasynda úsh qyz ortalyqtan qashyp ketti. Olardy polıtsııa men eriktiler izdedi.
