Aqtóbede joǵalǵan stýdenttiń mal baǵyp júrgeni anyqtaldy
AQTÓBE. QazAqparat - Úsh apta buryn joǵalyp ketken stýdent Erbol Ádbiǵalı eshkimge aıtpaı, mal baǵyp ketken. Іzdeý jumystary týraly telearnadan kórgen sharýa qojalyǵynyń ıesi polıtsııaǵa habar berdi, dep habarlaıdy QazAqparat tilshisi.
Oıyl aýdanyndaǵy aýyl sharýashylyǵy kolledjinde bilim alyp júrgen stýdenttiń joǵalǵanyn bilgen aqtóbelik eriktiler bir apta boıy izdeý jumystaryn júrgizdi. Eriktilerdi uıymdastyrýshy Ekaterına Golotınanyń aıtýynsha, olar ıisshil ıtterdiń de kómegine júgingen.
«Biz izdep júrgen Erbol Ábdiǵalı mal baǵyp ketken. Sharýa qojalyǵynyń ıesi telearna arqyly izdeý jarııalanǵanyn kórip, polıtsııaǵa habar berdi. Biz ony bir apta boıy izdedik. Halyqaralyq áıelder kúni de demalys, meıram bolmady. Tańnan keshke deıin kóshede, dalada, ıesiz qalǵan ǵımarattar men jertólede júrdik. Eńbegimiz esh ketpedi. Bıyl úsh izdeý jumystaryn júrgizgen edik. Bári tabylyp, otbasymen qaýyshty»,- dedi erikti Ekaterına Golotına.
