Aqtóbede joǵalǵan mektep oqýshysy aýdan ortalyǵynan tabyldy
AQTÓBE. QazAqparat - Aqtóbe qalasyndaǵy úıinen tún ishinde shyǵyp ketken 14 jastaǵy mektep oqýshysy Aınur Ótegen aýdan ortylyǵynan tabyldy. Ol tanysynyń úıinde júrgen, dep habarlaıdy QazAqparat tilshisi.
Naýryzdyń 30-y kúni úıinen shyǵyp ketken Aınur Ótegendi polıtsııa qyzmetkerleri tórt kún boıy izdedi. Jedel izdestirý jumystary tek oblys ortalyǵynda ǵana emes, aýdandarda da júrgizildi.
«Polıtsııa qyzmetkerleri jasóspirimdi Hromtaý qalasynan tapty. Ol osy ýaqytqa deıin tanysynyń páterinde óz erkimen turǵan. Quqyq qorǵaýshylar Aınur Ótegendi óz ata-anasyna tapsyrdy. Belgili bolǵany, ol buǵan deıin de birneshe ret úıinen habarsyz ketip qalǵan»,- dep habarlaıdy oblystyq ІІD-niń baspasóz qyzmeti.
Polıtsııa qyzmetkerler jasóspirimmen, onyń ata-anasymen áńgime júrgizdi.
Buǵan deıin Aqtóbe qalasynyń turǵyny Aınur Ótegenniń joǵalyp ketkeni týraly habarlaǵan bolatynbyz. Jasóspirimniń sýreti men ol týraly aqparat áleýmettik jeli arqyly keń tarap, polıtsııa izdeý jarııalady.
