Aqtóbede joǵalǵan balany izdeý kezinde 30 shaqyrym aýmaq qaıta tekseriledi
AQTÓBE. KAZINFORM — Oqıǵa ornyna Aqtóbe oblystyq PD bastyǵy Qaıyrken Álıev baryp, qaıtadan muqııat qarap shyǵýdy tapsyrdy. Balanyń qaı jerde sýǵa ketkenin kartadan kórsetti.
Mártók aýdany Saryjar aýylynyń turǵyny Mansur Samatov 29-naýryz kúni joǵalyp, áli tabylmaı jatyr. Bes táýlikke sozylǵan izdeý jumystary nátıje berer emes. Oqıǵa ornynda polıtsııa, tótenshe jaǵdaılar qyzmeti men áskerıler, jergilikti ákimdik mamandary men turǵyndar jumyldyryldy. Búgin Aqtóbe oblystyq polıtsııa departamentiniń bastyǵy Qaıyrken Álıev Mártók aýdanyna jumys saparymen arnaıy baryp, kámeletke tolmaǵan balany izdestirý jumystarynyń jaı-kúıimen tanysty.
— Bárimiz bala asyrap otyrmyz. Ońaı emes, júrekke tıedi. Eń basty maqsat — qalaıda tabý. Muqııat qaraýymyz kerek, — dedi Qaıyrken Álıev.
Málim bolǵandaı, joǵalǵan bala sýǵa túsken jerden 30 shaqyrym aralyqty arnaıy qurylǵan top qarap shyqty. Elek ózenindegi izdeý jumysy ári qaraı jalǵasady. Polıtsııa men qutqarýshylar bul jerlerdi taǵy qarap shyqpaq. Súńgýirler sany da kóbeıip, 20-ǵa jetti.
Aıta keteıik, jospar boıynsha 10 top qurylyp, oqıǵa bolǵan Saryjar aýylynan Mártók aýylyna deıin júrip ótti. Ózenniń arǵy beti men bergi beti, ózen túgel tekserildi. Іzdeýge ózendegi qatty keri áser tıgizgen.
