Aqtóbede joǵalǵan 6 jasar qyz oıyn-saýyq ortalyǵynan tabyldy
AQTÓBE. QazAqparat - Aqtóbede joǵalyp ketken balany polıtsııa qyzmetkerleri taýyp aldy, dep habarlaıdy QazAqparat tilshisi.
«Kishkentaı qyz aman-esen tabyldy. Ata-anasy emhanaǵa ketip qalǵanda ol úıinen shyǵyp, avtobýsqa mingen. Sóıtip balalar oınaıtyn ortalyqqa barǵan. Alǵashynda ony esik aldynan ótkizbegen. Keıin ózi qorshaýdyń ózge jerinen ruqsatsyz kirip, keshke deıin oınap júrgen. Polıtsııa taýyp, ata-anasyna tapsyrdy»,- dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, Aqtóbe qalasyndaǵy Týrgenev kóshesinde turatyn 6 jastaǵy Aılana Batyrbaeva izdestirildi. Іzdeý jumystaryna eriktiler tobynyń 15-ke jýyq adamy jumyldyryldy. 9
