Aqtóbede joǵalǵan 4 jasar bala kósheden tabyldy
AQTÓBE. QazAqparat – Aqtóbede aýla ishinde oınap júrgen 4 jasar qyz belgisiz baǵytqa shyǵyp ketip, adasyp qalǵan, dep habarlaıdy QazAqparat tilshisi.
Aqtóbe qala lyq polıtsııa basqarmasynyń jedel basqarý ortalyǵyna 4 jasar qyzdyń joǵalyp ketkeni týraly habarlama tústi. Ata-anasynyń aıtýynsha, baldyrǵan aýlada oınap júrip, keıin joǵal ǵan.
№3 qalalyq polıtsııa bóliminiń ıývenaldy polıtsııa ınspektorlary dereý jedel izdestirý júrgizdi. Inspektorlar arada eki saǵat ótkende qala kósheleriniń birinen joǵalǵan balany tapty. Ol úıinen 1,5 shaqyrymǵa uzap ketken.
Tártip saqshylary tabylǵan balany úıine aman-esen jetkizip, ata-anasyna tapsyrdy. Anasy kishkentaı qyzyn izdeýge kómekteskeni úshin polıtsııaǵa alǵys bildirdi.
«Ata-anasy nemese týystary balanyń habar-osharsyz ketkenin bilgen soń dereý polıtsııaǵa habarlasýy kerek. Ádettegi ýaqyt ta úıge oralmasa, keıinge qaldyrmaı, qońyraý shalý y tıis. Árdaıym saqtanǵan durys. Túsken habardan soń balany izdestirýge jedel-tergeý toby jumyldyrylady», - dep atap ótti Aqtóbe oblysy PD bastyǵy Atyǵaı Arystanov.
