Aqtóbede JITS ortalyǵynyń bas dárigeri joq adamdardyń jalaqysyn alyp kelgen
AQTÓBE. QazAqparat - Aqtóbe oblystyq JITS-tiń aldyn alý jáne oǵan qarsy kúres jónindegi ortalyqtyń bas dárigeri úsh jyl boıy memleket qarjysyn jymqyryp kelgen. Ol memleketke 6 mıllıon teńgeden astam shyǵyn keltirdi, dep habarlaıdy QazAqparat tilshisi.
QR Memlekettik qyzmet isteri agenttigine qarasty Sybaılas jemqorlyqqa qarsy kúres boıynsha ulttyq bıýrosynyń departamenti Aqtóbe oblystyq JITS ortalyǵynyń bas dárigeri Gúlnár Sadyqovaǵa qatysty qylmystyq isti tergep, sotqa joldady. Bas dáriger 2014 jyldyń qańtary men 2017 jyldyń qazany aralyǵynda ortalyqta jumys istemeıtin adamdardyń atyna jalaqy aýdaryp, ony ózi alyp otyrǵan. Іs materıalyna súıensek, ol bıýdjetke úsh jylda 6 mıllıon teńgeden astam shyǵyn keltirgen.
«Іs sotqa jiberilip, úkim de shyqty. Bas dáriger Gúlnár Sadyqova aıypty dep tanylyp, oǵan alty jylǵa bas bostandyǵynan shekteý jazasy taǵaıyndaldy. Ol ómir boıy memlekettik qyzmette jumys isteı almaıdy»,- dedi Ulttyq bıýronyń oblystyq departament bastyǵynyń orynbasary Kamal Qabylbekov.
Aıta keteıik, aıyptalýshy Gúlnár Sadyqova memleketke keltirgen shyǵyndy túgel qaıtardy.
