Aqtóbede «Jyraýlar jolymen» jyr jobasy álemdik rekordtar tizimine endi
AQTÓBE. KAZINFORM – Aqtóbede Naýryznama aıasynda «Er Edige» mektebi halyqaralyq mádenı joba uıymdastyrdy. Bastamanyń maqsaty ulttyq halyq aýyz ádebıetiniń asyl murasy sanalatyn jyraýlyq dástúrdi saqtaý, damytý jáne jas urpaq tárbıesindegi rýhanı mańyzyn aıqyndaý boldy.
Іs-shara aıasynda 36 jyrshy jyrdy birinen soń biri úzdiksiz 24 saǵat boıy oryndap, ulttyq jyraýlyq dástúrdiń ómirsheńdigin dáleldedi. Baǵdarlamaǵa «Qyrymnyń qyryq batyry» epıkalyq tsıkliniń 31 000 joldan turatyn 36 dastany jáne «Paıǵambarlar qıssasy» endi. Jyrlaý kóne dástúrli qurylym boıynsha júrgizilip, oryndaýshylar bir-birinen ilip áketý tásili arqyly epostyń úzdiksizdigin saqtady.
Jyr jobasyna Azııa men Afrıka elderi boıynsha GBR álemdik rekordtar kitabynyń ókili joba nátıjesin resmı túrde tirkedi. Nátıje talaptarǵa sáıkes rastalyp, joba álemdik rekordtar tizimine endi.
Іs-shara qazaq halqynyń ǵasyrlar súzgisinen ótip, atadan balaǵa mıras bolyp kele jatqan jyraýlyq ónerin jańǵyrtýǵa jáne ony dúnıejúzilik deńgeıde nasıhattaýǵa baǵyttaldy.
Buǵan deıin aqmolalyqtar jappaı «Qara jorǵa» bılep, rekordtar kitabyna engenin jazǵan edik.
