Aqtóbede jyly aıaldamalar qurylysy uzaqqa sozylyp ketti
AQTÓBE. KAZINFORM – Aqtóbe ákimdigi aıaldama qurylysyn aıaqtamaǵan kásipkerlermen aradaǵy kelisimshartty úzbek. Qazir is sotta qaralyp jatyr.
Aqtóbe qalasynda birneshe eski aıaldama súrilip, ornyna jańasy salynyp jatyr. Sonymen birge shaǵyn aýdandarǵa jańasy ornatyldy. Degenmen qurylysyn aıaqtaý, elektr togyna qosý jumysy uzaqqa sozylyp ketti.
– Qaladaǵy 25 jyly aıaldamanyń 5-eýi iske qosyldy, úsheýinde elektr jelisin tartý jumysy júrip jatyr. Al 12-sinde elektr jelisi júrgizildi, tek qosylý úshin «Energosıstema» JShS-nen ruqsat kútip otyr. Qujattaryn tapsyrdy. Al qalǵany boıynsha kelisimsharttyń talaptaryn oryndamaǵany, merziminde iske qosa almaǵandary úshin sotqa berildi. Qazir sot protsesi júrip jatyr. Jalpy kásipkerler jyly aıaldamalardy iske qosýda elektr jelisin tartý qıynǵa soqqanyn aıtty. Onyń ishinde elektr togyna qosý núktesi alys bolǵan. Sóıtip ýaqyt joǵaltqanyn jáne shyǵyn kóbeıgenin aıtyp otyr, - dep habarlady Aqtóbe qalasy ákiminiń baspasóz qyzmeti.
Eske salsaq, Aqtóbe qalasyndaǵy jyly aıaqtamalar qurysy byltyr aıaqtalýy kerek edi. Alaıda bıyl qańtarǵa ysyryldy. Qazirgi kezde áli iske qosylmaı tur.
