Aqtóbede jyl basynan beri poıyzdy 12 ret shuǵyl toqtatýǵa týra keldi
AQTÓBE. KAZINFORM — Temirjol boıyna adam men mal shyǵyp ketken. Adamǵa da, mal ıesine de aıyppul salyndy.
Jyl basynan beri Aqtóbe oblysy aýmaǵynda temirjoldy belgilenbegen jerden kesip ótkeni úshin 860 adamǵa ákimshilik hattama toltyryldy. Ákimshilik quqyqbuzýshylyq týraly kodekstiń 559-baby negizge alyndy. Sonymen birge poıyzdy 12 ret shuǵyl toqtatýǵa týra keldi.
— Temirjol boıynda adamdar, mal bolǵan soń mashınıst poıyzdy shuǵyl toqtatqan. Bul ereje. Biraq mashınıst jaqyndaǵan kezde kórse birden toqtaı almaıtyny anyq. Bıyl barlyǵy 7 fakti boıynsha mal ıelerine 75 myń teńgeden astam aıyppul salyndy, — dedi Aqtóbe stansasyndaǵy kóliktegi polıtsııa bólimi.
Aıta keteıik, Kólik mınıstrligi Bas kólik prokýratýrasynyń ókilderimen birlesip, jekemenshik tasymaldaýshylar poıyzdaryna ınspektsııalyq tekserýler júrgizdi. Qaraý nátıjesinde ishki ınventar jaǵdaıy men qyzmet kórsetý sapasyna qatysty jekelegen zań buzý anyqtaldy.
