Aqtóbede «Jyl 12 aı» keıipkerleriniń merekelik kerýeni ótedi

AQTÓBE. KAZINFORM — Kerýen saýda oryndaryn aralap, aqtóbelikterdi quttyqtaıdy. 31 jeltoqsan men 7 qańtar aralyǵynda 1400-den astam polıtsııa men áskerı qyzmetshi kezekshilikke shyǵady.

31-jeltoqsan kúni Aqtóbede kópshilik-mádenı sharalar uıymdastyrylady. Mádenıet, arhıvter jáne qujattama basqarmasynyń basshysy Altynaı ıÝnısovanyń aıtýynsha, saǵat 11:00–den 14:00–ge deıin qalalyq mádenıet úıleriniń shyǵarmashylyq ujymdary merekelik kerýen uıymdastyrady. Kerýen bes baǵyt boıynsha júrip, saýda ortalyqtaryn, bazarlar men turǵyn úı alaptaryn qamtıdy. Ónerpazdar án aıtyp, bı bıleıdi, oıyn oınaıdy.

I kerýen: «Álııa» saýda ortalyǵy, «Altaı» bazary, «Dına» gıpermarketi jáne «Keruen City» oıyn-saýyq ortalyǵyna barady.

II kerýen: Eset batyr turǵyn alaby arqyly júrip ótip, «Dına» jáne «Anvar» sýpermarketteriniń aldyna, Ortalyq bazar alańyna jáne «Astana» saýda ortalyǵyna toqtaıdy.

III kerýen: «Anvar» gıpermarketi men «Dalida» saýda ortalyǵyn qamtıdy.

IV kerýen: «Shyǵys» bazary men «City Shopping Center» saýda ortalyǵyna barady.

V kerýen: «Tabys» bazary, «Turǵyndar qalashyǵy» bazary arqyly ótip, áýejaı baǵytyna qaraı bet alady.

— Keshki saǵat 20:00–den 22:00–ge deıin Qalalyq mádenıet úıiniń alańynda, qalalyq ákimdik aldyndaǵy alańda, «Avıator» saıabaǵynda, Eset batyr turǵyn alabyndaǵy «Dına» sýpermarketiniń aldynda, sondaı-aq Quraıly, Sazdy jáne Nokın atyndaǵy mádenıet úıleriniń alańdarynda qala turǵyndary úshin jańajyldyq kontsert ótedi. Jergilikti ártister án aıtyp, teatrlandyrylǵan qoıylymdar sahnalaıdy. «Jańa jyl ǵajaıyptary» atty basty mádenı is-shara «Qazaq halqyna myń alǵys» stelasynyń alańynda saǵat 20:00–den 01:00–ge deıin jalǵasady. Baǵdarlamada qalanyń úzdik ártisteri men mýzykanttarynyń qatysýymen merekelik kontsert, ertegi keıipkerleri qatysatyn teatrlandyrylǵan qoıylym jáne jarqyn bıkeshi josparlanǵan. Merekelik shara otshashýmen aıaqtalady, — dep habarlady Aqtóbe oblysy ákiminiń baspasóz qyzmeti.

Sonymen birge 31 jeltoqsanynan 7 qańtarǵa deıin 1408 polıtsııa qyzmeti, QR Ulttyq ulan 6655 áskerı bóliminiń áskerı qyzmetshileri qoǵamdyq tártipti qamtamasyz etedi. Sondaı-aq 100 qyzmettik avtokólik jumyldyrylady. Olar merekelik serýen ótetin oryndarda, saıabaqtarda, gúlzarlarda, sondaı-aq oıyn-saýyq mekemeleriniń janynda kezekshilik etedi.

Aıta keteıik, 31 jeltoqsan kúni tústen keıin Astananyń alty aýdanynyń on jerinde qazaqstandyq estrada juldyzdary men shyǵarmashylyq ujymdardyń qatysýymen merekelik jańa jyldyq kontsertter ótedi.