Aqtóbede jıi qylmys bolǵan resto-bar jumysyn ýaqytsha toqtatty

AQTÓBE. KAZINFORM – Jyl basynan beri 10 ákimshilik, 7 qylmystyq is tirkelgen. Barlyǵy 60 shaqyrtý túsken.

Aqtóbe oblystyq polıtsııa departamentiniń usynysymen qaladaǵy oıyn-saıyq orny jumysty ýaqytsha toqtatty. Sebebi jyl basynan beri resto-bardan 60 shaqyrtý túsken. 

- Tekserý nátıjesinde atalǵan resto-bar men onyń kelýshileri tarapynan 10 ákimshilik quqyq buzýshylyq jáne 7 qylmys jasalǵany anyqtaldy. Sonymen qatar túngi ýaqytta kámeletke tolmaǵandardy kirgizgen. Mundaı eki derek tirkeldi. Polıtseıler jınaǵan materıaldardy Aqtóbe qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotyna joldandy. Sot sheshimimen jeke kásipker ákimshilik jaýapqa tartylyp, aıyppul salyndy. Oıyn-saýyq ortalyǵynyń qyzmeti 1 aı merzimge toqtatyldy,- dep habarlady oblystyq PD baspasóz qyzmeti. 

Aıta keteıik, Aqtóbede bir kún ishinde jol erejesin 12 ret buzǵan júrgizýshi ustaldy. Reseılik taksı júrgizýshisi 11 aıda jol erejesin 250 ret buzyp, 7,7 mln teńge teńge aıyppul arqalaǵan.