Aqtóbede jetim balalarǵa arnalǵan áleýmettik úı salynady
AQTÓBE. QazAqparat - Aqtóbede qala mańyndaǵy Kırpıchnyı kentinde qaıyrymdylyq qorynyń qarajaty esebinen ata-analarynyń qamqorlyǵynsyz qalǵan 80 jetim balaǵa arnalǵan áleýmettik úı qurylysy bastaldy, dep habarlady oblystyq ákimdikten.
Áleýmettik úıde jeke páterlerde 80 jas turǵyn ómir súretin bolady, onyń ishinde múmkindigi shekteýli balalarǵa arnalǵan ınternat túlekteri de bar. Úıde tirek-qımyl apparaty buzylǵan balalardy saýyqtyrýǵa arnalǵan trenajerlarmen emdeý zaly, relaksatsııa bólmesi bolady.
Úı janyna shaǵyn tseh salynady. Onda densaýlyǵynda aqaýy bar úı turǵyndary eńbek etedi, atap aıtsaq, kondıterlik ónimder óndiretin shaǵyn tseh, aıaq kıim jóndeý, tigin tsehtary, shashtaraz, massaj ortalyǵy ashylady.
Úı quny 1,2 mlrd teńgege baǵalanýda.
Qazirg kezde Aqtóbe oblysynda 70 oryndyq Jasóspirimder úıi bar. Onda ınternat túlekteri 23 jasqa deıin turady. Áleýmettik úımen 18-29 jas aralyǵyndaǵy balalar úıi men mektep-ınternattardyń túlekteri qamtamasyz etiletin bolady.
