Aqtóbede jer úıde jarylys bolyp, bir adam qaza tapty
AQTÓBE. KAZINFORM - Tótenshe jaǵdaılar qyzmeti oqıǵa ornynda jumys istep jatyr. Aldyn ala málimet boıynsha, úıden tabıǵı gaz shyǵyp, keıin jarylys bolǵan.
Oqıǵa búgin keshkilik Aqtóbe qalasy Almaty aýdanyndaǵy Túrksib kóshesinde tirkeldi.
- Aldyn ala málimet boıynsha tabıǵı gazdyń shyǵýynan gaz-aýa qospasynyń jarylysy bolyp, saldarynan shamamen 100 sharshy metr aýmaqtaǵy jeke turǵyn úı opyrylǵan. Oqıǵa ornynan 1 qaza tapqan adam tabyldy. Saldardy joıý jumystaryna TJD, Apattar medıtsınasy ortalyǵy, jedel-qutqarý jasaǵynyń kúshteri men quraldary, onyń ishinde kınologııalyq eseptop jumyldyryldy. Oqıǵa ornynda oblystyq polıtsııa departamentiniń qyzmetkerleri men jedel qyzmet ókilderi jumys istep jatyr. Qazirgi ýaqytta avarııalyq-qutqarý jumystary, úıindilerdi tekserý jáne oqıǵanyń barlyq mán-jaıyn anyqtaý jumystary júrgizilýde,-dep habarlady oblystyq TJD baspasóz qyzmeti.
Buǵan deıin habarlaǵanymyzdaı, Aqtóbede qoqys polıgonynan órt shyqty. Órt bir jarym saǵat ishinde sóndirilgenimen, áli byqsyp jatyr.
